Главная

Жыл джентельмены: Жарақат алған семейлік палуанды кілемнің шетіне көтеріп апарған қарсыласы көрермен ілтипатына бөленуде

Аватар пользователя Esimkhanovv
Журналист
Адилхан Есимханов
Жуырда Алматыда өткен күрес түрлерінен ел чемпионатының грек-рим бәсекесінде бозкілемге беттеген семейлік спортшы ауыр жарақат алған болатын.

Қос мықты финалда жолықты. Семейлік Ернар Фидахметов мен қызылордалық Айдос Сұлтанғали арасындағы текетіресті тамашалауға асыққандар легі мол еді. Әрине, спорт кешеніне кіргізбеді ешкімді, әлеуметтік желіден тікелей эфир арқылы тамашалап, палуандар бәсекесінен шет қалмауға тырысты. Жерлесіміз жартылай финалда Әлем чемпионатының күміс жүлдегері Мейрамбек Айнағұловты ұтып, алтын медальді сарапқа салу мүмкіндігіне ие болды. Сөйтіп 60 келінің шешуші сынында жолы Айдоспен түйісті. Кім білсін, оқыс жайт болмағанда алтын медальді Фидахметов тағар ма еді мойынға? Амал нешік, қарсыласына әдіс жасаймын деп әрекеттенгені сол еді, оң тізесін қарсыласы басып қалып, өзі шалқасынан құлай кетті. Кездесуді жалғастыруға Айдос та құлық танытпады. Түр-әлпетінен кілемдегі қарсыласы, бозкілемдегі досына деген жанашыр бейнесі аңғарылды. Есеп 3:1, қызылордалық спортшы чемпион атанды. Алайда маңыздысы ол емес. Ауыр жарақаттан аяғын баса алмай қалған Ернардың жанына келіп көтеріп алған Айдос бозкілемнің шетіндегі орындыққа әкеліп, жарқын белдесу көрсеткені үшін алғысын жеткізіп, бауырына басты. Қош. Шығысқазақстандық палуан чемпионаттың күміс жүлдесін иеленді. Десе де медальдан да маңызды жайт: Ернардың жарақаты қаншалықты ауыр? Жуық арада қатарға орала ма?

Айдос танытқан адамгершілік әп-сәтте әлеуметтік желіде желдей есті. Тіпті кейбір спорт порталдары қызылордалық палуанды «Жыл джентельмены» деп те атауда.

 

 

 

 

Дата и время публикации: 
03.12.20
Новости
«Алтайское дерби» состоялось сегодня в Павлодаре.
20.01.2021
Бұл туралы еліміздің бокс парақшасында жазылған.
20.01.2021
Наш портал продолжает экскурс по истории выступлений сборной ВКО на домашних чемпионатах Казахстана U-18. Сегодня речь пойдёт о ярком старте 2016 года.
20.01.2021
Воспитанник усть-каменогорского хоккея помог «Металлургу» обыграть одного из лидеров Западной Конференции.
20.01.2021
Двое студентов родом из Казахстана, обучающихся в Челябинске, здорово выступили на Чемпионате Уральского Федерального округа России.
19.01.2021
Усть-каменогорские волейболистки одержали 17-ю победу подряд в чемпионате страны.
19.01.2021